Dummytraining ass eng wonnerbar Teamaarbecht fir all Mënsch-Hond-Team, wou de Hond gären apportéiert, an de Mënsch dës Virléift gäre weider ausbaut. Dummy ass awer vill méi komplex, wéi ech geheien eppes an den Hond geet et sichen a bréngt et zeréck. Dummy besteet aus 

Markéierungen, Aweisen an der Grousser Sich.

 

Markéierung = den Hond gesäit den Dummy falen ("Apport")

Aweisen = den Hond weess net, wou den Dummy läit a gëtt vu sengem Mënsch iwwer Richtungsuweisungen dohi geschéckt ("Voran", Riets/Lénks/Back) (cf. Photo uewen)

Grouss Sich = den Hond sicht selbststänneg a systematesch e grousst Sichgebitt no Dummyen of a bréngt se ee nom aneren zeréck ("Such")

 

Fir den Dummytraining si verschidde Päiffkommandoen néideg (z.B. klenge Suchenpfiff, Stoppfiff, etc.), genee wéi eng gutt Impulskontroll an eng Basis u Gehorsam, wéi Foussaarbecht, Sëtze-Bleiwen, stabille Réckruff, awer och d'Akzeptéieren vun engem Korrekturwuert, resp. Ofbrochkommando.

Dëst alles léiert Dir zesumme mat Ärem Hond a mengen Dummystonnen. 

 

Dummytraining bidden ech fir Ufänger a Fortgeschrëttener an aner Interesséiert als Eenzeltraining un, fir all eenzel Elementer a Rou a klengschrëtteg opbauen ze kënnen. Et besteet och d'Méiglechkeet am Tandem mat engem aneren Hond ze trainéieren, deen um gläichen Trainingsstand ass. Oder, ab 2025 rëm, an der 4erGrupp. 

 

Eenzelstonnen - Dummy:

Jonk Hënn ab ca. 16 Wochen bis ca. 8 Méint: ca. 45 Minutten à 50 €

Hënn ab ca. 9 Méint: ca. 60 Minutten à 65 €

 

Tandem - Dummy:

Tandem (zwee Hënn op deem selweschte Niveau): 

Präis: 40 € pro Team fir ca. 90 Min. 

 

Grupp - Dummy ab Februar 2025:

Wéinst der grousser Nofro un Dummytraining wäerten 2025 och rëm 4er-Gruppen fir den Dummytraining geplangt sinn. Viraussetzung heivir ass roueg am Grupp schaffen ze kënnen. Gruppe ginn dem Niveau no agedeelt: 

Einsteiger/Ufänger Grupp & Fortgeschrëttene Grupp

Präis: 35 € pro Team fir ca. 90 Min. 

 

Déi eenzel Terminer ginn hei drënner publizéiert.