- Nodeems Dir Eech fir e Rdv gemellt hutt, kritt Dir e Formulaire vu mir zougeschéckt, wou Dir mir Informatiounen iwwert Ären Hond androt, wéi Rass, Alter, Geschlecht, etc.

- Ären éischte Rdv ass eng Anamnese: Befundung

Hei notéieren mir Doneeën vun Ärem Hond iwwer Ernierung, Training (Hondssport, z.B. Dummy, Agility, etc.), Diagnosen (Krankheeten & Operatiounen) vum Veterinaire, etc. an ech féieren eng Befundung vun de Gelenker, dem Thorax an eng Ganganalyse duerch. 

Bréngt hei wgl. och d'Diagnosestellung an/oder Röntgenbiller vum Veterinaire mat, wann Dir där hutt. 

Op dës Befundung gëtt den Therapieplang baséiert. 

- A de follgende Rdvër gëtt Ären Hond sengem Plang no behandelt, resp. gi preventiv Moossnamen ergraff oder Ären Hond kritt eng kleng Wellnessbehandlung. ;) 

A wéi engen Ofstänn Dir mat Ärem Hond komme musst hänkt vun der Befundung of. 

Opgepasst: 

- E Rdv muss mind. 24 Stonnen am Viraus ofgesot ginn, soss gëtt e komplett verrechent. 

- Ären Hond soll mind. 2 Stonne viru sengem Rdv näischt gees hunn. (Mat vollem Bauch schafft et sech net gutt.) 

- Ären Hond sollt propper sinn wann en an d'Behandlung kënnt. Fir de Fall, datt e naass ass, hunn ech Dicher parat. 

- Falls Ären Hond eng ustiechend Erkrankung (Mo-Daarm-Gripp, Wuermbefall, etc.) oder Féiwer huet, da sot mir wgl. mat Zäit Bescheed a mir verschiben Äre Rdv. 

- Ass Är Mudder leefeg, sou sot mir wgl. mat Zäit Bescheed. Entweder musse mer de Rdv verschiben, fir datt ech all aner Patienten (Ritten) a Rou behandele kann, oder Dir musst mind. eng "Hösi" fir Är Mudder matbrénge fir unzedoen. 

- Drot wgl. net frësch virun Ärem Rdv en Anti-Zeckemëttel (Spot-on) op. 

- Bréngt Leckerlië fir Ären Hond mat, falls hien eng Allergie huet. 

- En Duch oder eng Decken vun doheem kann Ärem Hond an der Praxis hëllefen.  

- Sollt Ären Hond eng Thematik mat frieme Leit hunn, bréngt wgl. e Maulkuerf mat.

Ech hale mir dat Recht vir, Ärem Hond e Maulkuerf unzedoen, falls dat néideg ass an Dir keen eegenen derbäi hutt. (Ech hu Maulkierf a verschiddene Gréissten do.)